اللي بغات شعرها يطوال بسرعة البرق تجرب هاد الوصفة الحصرية
والله والله والله هذ الوصفة مضموووونة ومجربة والشعر تيطوال أكثر من 4 سنتمتر فالشهر وكاين اللي اكثر كل وحدة وزغبتها
انا اقسم بالله ايتا قطعتو ديكرادي حتى لعنقي فأول شهر ماي دابا فات السمطة ديال السوتيان وكلشي البنات لي كنعرف سولوني وعطيتهم الوصفة هي : حاجة وحدة لي غتحتاجي انا نيت ماعنديش مع كثرة العشوب والتخربيق وماكنحمل ندهن شعري بالزيت
غتمشي للبارافارماسي وغتقولي ليها تعطيك الزيت الاساسي ديال الازير
Huile essencielle de romarin
راها قريعة صغيورة قد التقطيرة ديال العينين فيها واحد الزيت طيار لونه ابيض شفاف وريحتو مجهدة بحال فليو
غاتاخذي رشاشة وتعمريها قياس كاس العنبة ماء نقي (ماشي ديال الروبيني) وتزيدي عشرة النقاط بالحساب من الزيت وقبل ما تنعسي رشي الجلدة ديال راسك مزيان ومشطيه ورأسك التحت وصافي
بغيتي تلوي باتشا او تديري فولار اللي بغيتي
الريحة دغيا تاطير والشعر تيرجع رطب ومسبسب وراها تتوقف التساقط من اول استعمال
وماشي مادة دهنية يعني الشعر تيبقى فنننننن وخلاص خاصة إيلا درتي باتشا.
